Tannáringar

Í Betri Banka bjóða vit tannáringum ymsar loysnir og tænastur, sum gera góðan mun í gerandisdegnum. Les meira um tilboðini her á síðuni og fá greiðu á, hvørjar kontur, gjaldskort og annað rigga best til tín.

Ung sosial

Fíggjarliga frælsið byrjar

Tá tú ert tannáringur, broytist nógv. Bæði kropsliga, andaliga og í tínium lívi sum heild. Tú fært vanliga størri frælsi, byrjar møguliga at arbeiða, og hevur brúk fyri at ráða yvir egnum pengum. Tað kann eisini vera, at tú ynskir tær okkurt serligt, sum tú nú kanst spara upp til? Í Betri Banka ynskja vit at gera tað so lætt og trygt hjá tær at umsita tínar pengar sum til ber. Tí hava vit sett saman ymisk góð tilboð til tannáringar, sum tú kanst lesa meira um her á síðuni.

Niðanfyri ber til at rokna út, hvussu nógvan pening, tú fært, um tú í eitt ávíst áramál setir inn eitt fast gjald um mánaðin á eina uppsparingarkontu.

Kafe

 

 

Góð ráð 

  1. Stovna eina Nýtslukontu til løn og lummapengar. 
  2. Stovna eina Uppsparingarkontu, og lær teg at spara upp pening.
  3. Set ein part av lønini ella lummapengunum inn á uppsparingarkontuna hvønn mánað. So hevur tú eitt gott íkast til framtíðar keyp.
UngNáttura

Skúlar á gátt

Skúlaflokkar eru vælkomnir á gátt til ein fyrilestur. Hetta kundi veri ein øðrvísi tími fyri næmingarnar, har vit siga frá um ymiskt bankavirksemi.  Vit halda m.a. fyrilestrar innan nýtsluvanar, fíggjarætlan, Netbankan, lønarseðlar, at skriva umsókn og CV, at vera næmingur ella starvslesandi í Betri Banka. Tú ert sjálvandi eisini vælkomin at koma við fyrispurningum um evni, sum ikki eru við her. Einasta tú skalt gera er at skriva ein teldupost til ung.banki@betri.fo 

Nýtslukonta

Tá tú fyllir 13 ár, kanst tú fáa eina Nýtslukontu í Betri Banka, sum er ókeypis at stovna og hava. Tá tú fært eina Nýtslukontu, kanst tú samstundis fáa tær eitt kort. Tú skalt bara lata ein bíleggingarseðil inn í eina deild í bankanum, og minnast til at fáa foreldur ella verja at undirskriva hann áðrenn.

Sum nakað serligt bjóða vit eisini øllum ungum í aldrinum 13-17 ár at fáa mynd á kortið ókeypis. Les meira um hvat og hvussu her.

Afturat hesum bjóða vit eisini netbankaloysnir frá tí, tú fyllir 13 ár. Um tú knýtir Netbankan at tíni Nýtslukontu, hevur tú altíð lætta og skjóta atgongd til yvirlitið yvir penganýtslu og uppsparing á tíni kontu.

5. element

Uppsparingarkonta

Tað er skilagott at halda peninganýtslu og uppsparing atskilt. Vit mæla tær tí til at stovna eina Nýtslukontu til tína løn og lummapengar, og eina Uppsparingarkontu til uppsparingina.

5. element

Netbanki til tannáringar

Tannáringar í aldrinum 13-14 ár fáa bert atgongd til at hyggja eftir kontunum í Netbankanum. Tað ber ikki til at gera flytingar. 

Tá tú ert 15 ár, kanst tú stovna ein nýggjan Netbanka, sum gevur atgongd til at gera flytingar o.l.

Legg til merkis, at foreldur kunnu fáa atgongd til Netbankan hjá børnunum, til tey fylla 18 ár.

Les meira um Netbankan her

Gjaldskortið til tannáringin

Frá 10 ára aldri ber til at fáa gjaldskort úr Betri Banka. Einasta kravið er ein játtan frá foreldrum ella verja. Tá tú fær títt fyrsta kort fært tú eisini ein kulan Puma ryggsekk. 

Talan er um eitt Mastercard Debit gjaldskort. Tað serliga við kortinum er, at tað ikki ber til at brúka meiri pening, enn tú hevur á kontuni. Tað syrgir okkara skipan fyri.

Mastercard Debit kann brúkast í handlum, á netinum og í sjálvtøkum kring allan heim

Les meira um brúkarareglur her

Les meira um reglugerð fyri mynd á títt gjaldskort her

Mastercard

Góð ráð um gjaldskort

  • Brúka kortið á tryggan hátt
  • Minst til, at kotan er loynilig. Goym tí kotuna væl
  • Gloym ikki kotuna! Er hon torfør at minnast, bið so um ein ”pinkode-husker” í bankanum
  • Ikki brúka somu kotu til fartelefonina ella telduna 
  • Minst til, at kontan við kortinum er ein Nýtslukonta. Tí er skilagott at spara upp á aðrari kontu
  • Brúka Netbanka appina til at fylgja við penganýtsluni hjá tær
  • Ansa eftir magnetstrípuni á kortinum. Upplýsingarnar í magnetstrípuni kunnu oyðileggjast, um strípan kemur ov nær einum magnetfelti, t.d. fartelefonini, magnetlási á tasku ella pengapungi.
 
Lumma appin

Ivast tú?

Set teg í samband við okkum og finn út av, hvat letur seg gera hjá tær fíggjarliga og kom eitt fet nærri tínum dreymum. Vit hava drúgvar royndir við at hjálpa øðrum í somu støðu.