Pisudagar

Fíggjarætlan, bústaður, stuðulsmøguleikar og lestrarlívið. Fá góð ráð um at flyta og vera lesandi. Pisudagurin er eisini ein upplagdur møguleiki at heilsa upp á onnur, sum ætla tað sama sum tú.

Summar. Sól. Vinir. Feria. Ólavsøka. Og so av landinum at lesa.

Men áðrenn tú fert, so kom við til Pisudagin 31. juli í Havn. Har fært tú kunning um stuðulsmøguleikar, bústað, fíggjarviðurskifti, og góð ráð um at flyta og at vera lesandi.

Á hvørjum ári fara hundraðtals føroyingar undir víðari lesnað uttanlands. Hetta er ein sera spennandi tíð, sum krevur nógva fyrireiking, og sum eisini hevur nógvar spurningar við sær. Tí skipa MFS (Meginfelag Føroyska Studenta) og Betri Banki fyri Pisudegnum á hvørjum ári.

Tiltakið er ætlað tær, sum fer undir víðari lesnað uttanlands. Endamálið er at geva tær høvi at seta spurningar, fáa góð ráð og tosa við onnur, sum eru í somu støðu sum tú, so tú kemur so væl frá byrjan sum gjørligt.

Á Pisudegnum vera, umframt MFS og Betri Banki, Ráðgevingin fyri Føroyingar í Danmark og Vegleiðingarstovan til staðar.

Melda teg til tiltakið við at fylla teigarnar niðanfyri.

Vit gleða okkum at síggja teg á Pisudegnum 31. juli í Havn.

Skráin til Pisudagin

kl. 18.15 – MFS bjóðar vælkomin
kl. 18.25 – Betri Banki
kl. 18.35 – Vegleiðingarstovan
Steðgur, og luttakarar verða deildir upp:
Fyri tey sum fara aðrastani enn til DK at lesa:
kl. 19.00 – Vegleiðingarstovan hevur framløgu
Fyri lesandi í DK:
kl. 19.00 – MFS heldur framløgu um lestrarlív o.a.
kl. 19.10 – Ráðgevingin fyri føroyingar í Danmark
kl. 19.20 – Steðgur og ábit
kl. 19.40 – Draga lut um vinningar

kl. 19.45 – Livandi tónleikur við Tórmóður

Um tú enn situr við spurningum um eitt nú Nemkonto, lestrarstuðul, ferðaískoyti og nógv meira, so ber til at fáa eitt prát við MFS, Betri, vegleiðingarstovuni og/ella Ráðgevingin fyri føroyingar í Danmark.

kl. 20.30 – Liðugt

Tilmelding til Pisudagin

Tín ráðgevi

Sum lesandi og ungdómskundi fært tú ein ráðgeva, sum kennir tín fíggjartørv, og sum dugir at seta seg inn í júst tína støðu. 

Tá hevur tú bestu fortreytir, tá tú skalt taka fíggjarligar avgerðir, sum skulu fáa teg á mál við øllum tí, tú hevur sett tær fyri. 

Set teg í samband við tín ráðgeva á netbankanum, so hjálpa vit tær at fáa mest møguligt burturúr.

Bílegg prát

Tínir fyrimunir

Pengarnir eru ofta ikki nógvir, tá tú ert ungur, lesandi ella í læru. Tí hevur tú sum ungdómskundi serligar fyrimunir hjá okkum:

  • Tvey ókeypis gjaldskort
  • Ókeypis netbanka
  • Ókeypis innlánskontur
  • 1.000 krónur í gávu, tá tú stovnar eina Bústaðarkontu
  • Lægri kostnað, tá tú setur tína uppsparing í íløguprógv