40 milliónir aftur til limirnar

Betri fer nú at býta út av tí, sum felagið forvinnur. Miðjan apríl fáa tey, sum hava trygging hjá Betri Trygging, umleið 10 % av tryggingargjaldinum útgoldið.

Hví fáa tryggingartakarar limakrónur?
Hvør fær? Nær? Og hvussu nógv? Niðanfyri kanst tú lesa eitt sindur um limakrónur og hvat tað inniber at vera limur í Betri Trygging.

Fer skattur av?

Eins og øll onnur inntøka eru limakrónurnar skattskyldugar.

Fyri vanligar skattgjaldarar og fyri sjálvstøðug vinnurekandi er inntøkan at rokna sum B-inntøka. TAKS fær boð frá okkum um títt útgjald og skrásetur upphæddina sum fyribilsinngjald, soleiðis at skattur kann verða trektur sjálvvirkandi.

Um tú ert vinnukundi, er inntøkan at rokna sum einhvør onnur skattskyldug inntøka, og má fyritøkan sjálv inntøkuføra hetta í rakstrinum.

Skattur

Spurningar og svar

Hví fái eg limakrónur? Hvussu nógv fái eg? Nær fái eg limakrónurnar? Her fært tú svar uppá ofta settar spurningar um limakrónur.

Persónsupplýsingar

Hvussu viðgera tit mínar persónsdátur?

Tað er Betri Trygging, sum vegna Ognarfelag Tryggingartakaranna avgreiður øll tey umsitingarligu viðurskiftir, sum eru knýtt at útgjaldinum av limakrónunum. Tað eru upplýsingar um navn, bústað, p-/v-tal og kontonummar. Vit viðgera einans hesar upplýsingar, fyri at umsita og gjalda út limakrónur. Upplýsingarnar verða strikaðar, so skjótt vit ikki longur hava tær fyri neyðini. Les meira um viðgerð okkara av persónsupplýsingum og um tíni rættindi.

Treytir fyri at fáa limakrónur

Ert tú tryggingartakari í Betri Trygging og hevur fastan bústað ella heimstað í Føroyum, ert tú limur í Ognarfelag Tryggingartakaranna. Hetta gevur tær møguleika fyri at fáa limakrónur.

Tú skal lúka tríggjar treytir, fyri at fáa limakrónur.

Hevur tú spurningar?

Tú ert altíð vælkomin at ringja til okkara.

348 600