Bygging og umbygging

Við hesi tryggingini ásetur tú fyrst tað virðið, ið skal tryggjast, og tryggingin ger síðani eina váðameting av umvælingini. Henda váðmetingin ávirkar prísin á tryggingini. 

Tað ber sostatt ikki til at geva ein fastan prís, tí tað eru fleiri viðurskifti, ið spæla inn. Men set teg í sambandi við okkum, so hjálpa vit tær fegin og geva tær eitt óbindandi tilboð. 

Gev gætur, at tryggingin skal verða teknað í góðari tíð, áðrenn farið verður undir at byggja, umbyggja ella spreingja.

Tryggingin fevnir um skaðar, sum henda í samband við tína bygging – sama um talan er um nýbygging, umbygging ella útbygging. 

Talan er um eina sonevnda ”all-risk trygging”, sum merkir, at hon fevnir um flest allar skaðar – til dømis stormskaðar á heilar bygningar, vatnskaðar, rørskaðar, herverk og stuldur.

Tryggingin fevnir um alt tíðarskeiðið, sum tú hevur upplýst okkum um, at arbeiðið er mett at vara. Um arbeiðið tekur longri tíð enn væntað, mást tú seta teg í samband við okkum aftur og leingja tryggingina.

Tá talan er um eina SUM trygging, er tað tryggingartakarin sjálvur, ið ásetur virðið, sum skal tryggjast. Um ein skaði skuldi hent, fær tryggingartakarin endurgjald upp til ásetta SUM-virðið.

SUM-virðið á eini arbeiðstøkutrygging er tað, sum byggingin/umvælingin kostar, íroknað arbeiðsløn.

Nei, arbeiðstøkutryggingin er ikki lógarkravd, men peningastovnurin, sum fíggjar tína bygging, kann krevja, at tú teknar eina arbeiðstøkutrygging. 

Arbeiðstøkutryggingin er ætla teimum, sum byggja nýtt, byggja út ella gera størri umvælingar. Gert tú smærri umvælingar ber eisini til at víðka sethúsatryggingina. Fyri at vita neyvari, nær hvør trygging er best, viðmæla vit, at tú altíð setur teg í samband við okkum, áðrenn arbeiðið byrjar. 

Tað veldst um, hvørjar umvælingar tit skulu gera, hvussu umfatandi arbeiðið er og um tit t.d. broyta upprunaliga byggiháttin. Vit mæla altíð til, at tú setir teg í samband við okkum, áðrenn arbeiðið byrjar, so vit kunnu veita tær røttu vegleiðingina og tryggja teg og hús tíni best.