Lat teg í góðar fjallaskógvar við grovum botni.

Lat teg í sjónlig klæðir, sum hóska til veðrið.

Lat teg í klæðir úr ull ella bummull, sum ikki eru hál, sum t.d. neilonklæðir eru.

Kannað altíð veðurforsøgnina, áðrenn tú fert.

Sig onkrum frá, nær tú fert, og hvagar tú fert.

Rennur tú teg í mjørka, steðga á og bíða, til sýnið batnar aftur, og tú trygt kanst ganga víðari.

Hav altíð fult lødda fartelefon við tær, so tú kanst ringja eftir hjálp, um okkurt skuldi hent.

Hav altíð ein lítlan matpakka, sjokolátu ella annað orkuríkt við, um orkan skuldi gingið undan.

Hav altíð vatn við tær.

Ver altíð í bjargingarvesti. Bæði børn og vaksin.

Kannað altíð veðurforsøgnina, áðrenn tú fert, og kunna teg um streymlíkindini, har tú ætlar tær.

Sig onkrum frá, nær tú fert og hvagar tú fert.

Tryggja tær, at báturin hevur nokk av brennievni allan túrin.

Tryggja tær, at VHF-sendarin riggar og er festur umboð.

Tryggja tær, at trygdarútgerðin er í lagi. 

Les meira um krøvini til bjargingarútgerð á bátum her 

Hav javnan góðkent eftirlit við streym- og gassveitingini á húsbilinum ella húsvogninum. Er ikki alt í lagi, kann vandi vera á ferð og álvarsamur skaði standast av.

Pakka bilin rætt og ikki ov fullan. Tyngsta viðførið skal liggja niðast og so frammaliga sum gjørligt.

Lat einki virðismikið vera sjónligt, tá tit fara frá akfarinum. Annars tekur tryggingin møguliga ikki við, um tað verður stolið.

Gev veðrinum ans. Kampingvognar taka nógvan vind á seg og kunnu fara av vegnum, um nógvur vindur er.

Tá ið tú ert komin til kampingplássið, er umráðandi, at tú festir kampingvognin væl.

Gist bara har, tað er loyvt. Kampingplássini finnur tú her 

Tryggja tær, at kampingvognurin hevur hóskandi trygging, við teimum dekningum, sum tú hevur tørv á. Tað er lógarkrav, at húsbilar eru tryggjaðir.

Eigur tú húsbil, trýst her 

Eigur tú húsvogn, trýst her 

Leigar tú ein húsbil ella húsvogn, er umráðandi at kanna, um hesin er rætt tryggjaður.

Ætlar tú at útleiga tín húsbil ella húsvogn, er umráðandi, at tú hevur røttu dekningarnar. Ring 348 600 vit hjálpa tær fegin.

Set altíð grillina á eldfast undirlag, og nýt altíð rætta brennið til ymisku grillirnar – gass, kol ella brennikubbar.

Nýt ongantíð spritt ella bensin til at tendra kolgrill ella bál, tí tað kann standast stórur skaði av tí. Brúka heldur grillstartara ella tendribrikkar.

Hav altíð eina spann við vatni ella ein eldsløkkjara nærindis.

Minst til at sløkkja grillina aftaná og lat brenda kolið liggja til næsta dag. Er talan um eina kolgrill, kanst tú leggja lokið á og sløkkja útluftingina. Er talan um eina gassgrill, sløkk tá fyri gassinum bæði á grillini og á fløskuni.

Flyt aldri grillina inn. Tað kemur roykur frá grillini, og innandura kann hann elva til heilsuskaða og roykeitran, tí hann ikki sleppur burtur.

Kanna veðurforsøgnina áðrenn tú fert – og hugsa um at seta tjaldið upp eftir ættini. 

Fyri at sleppa undan at bera nógv tilfar til mat, kanst tú gera/fyrireika matin heimanifrá. Matur, sum ikki heldur sær leingi, kann frystast, áðrenn tit fara, og leggjast í kølitasku – so tiðnar hann spakuliga aftur og heldur sær longri. 

Lat altíð onkran vita, nær tú fert, og hvagar tú ætlar at fara. Ætlar tú at ganga og ikki sova á sama staði hvørja nátt, gev so javnan boð frá tær um, hvar tú ert. 

Gert tú heitan mat, hugsa so væl um, hvar tú kyndir bálið ella setir stormkøkin/primusin. Tjald eru sera eldfim.

Hav altíð fult lødda telefon við tær, so tú fært ringt eftir hjálp, um okkurt skuldi hent. Skalt tú á ein longri túr, hav so eisini fult løddan orkubanka við tær. 

Lat ikki pening ella virðismiklar lutir liggja eftir í tjaldinum, um tú fert burturfrá.

Stong tjaldið við heingilási, tá tú ikki ert nærindis.

Fert tú í hagan, er skilagott at boða eigaranum frá. Soleiðis kanst tú eisini frætta, um tey fara at reka seyð ella neyt, har tú ætlar tær – ella um annað er, sum tú mást hugsa um. 

Brúka altíð bjargingarvestar. Bæði vaksin og børn. Nógv føroysk vøtn eru djúp – og tað er ringt at sleppa upp í gummibátin aftur, dettur tú útí.

Gummibátar skulu ikki brúkast á sjónum. Ein gummibátur kann skjótt verða tikin av vindi ella streymi – og hann kann reka langt eftir stuttari tíð.

Fest altíð árarnar rætt í tollarnar, so at tú ikki missir árina fyri borð, um tú skuldi mist takið.